Չորրորդ անգամուայ համար Գերմանիա հանդիսացաւ ոտնագունդի` աշխարհի ախոյեան
Երէկ` կիրակի, 13 յուլիսին, վարագոյրը իջաւ 2014-ի Մոնտիալին վրայ, երբ տեղի ունեցաւ
սպասուած ճակատումը` երեք անգամ աշխարհի ախոյեան հանդիսացած Գերմանիոյ եւ երկու անգամ
տիտղոսակիր հանդիսացած Արժանթինի միջեւ:Գերմանիա իր յաղթանակը արձանագրեց երկարաձգումին ընթացքին, երբ մրցումին 113-րդ վայրկեանին մրցումին միակ կոլը նշանակեց Մարիօ Կէօթցէ: Ան դաշտ ներկայացած էր 88-րդ վայրկեանին` փոխարինելով Միրոսլաւ Քլոզը:
Նշենք, որ «Էսթատիօ տօ Մարաքանա»-ի դաշտին վրայ տեղի ունեցած այս մրցումին ներկայ էր շուրջ 75 հազար հանդիսատես, իսկ մրցումին կեդրոնի իրաւարարն էր իտալացի Նիքոլա Ռիցոլի:
Աւարտական այս մրցումէն առաջ տեղի ունեցաւ այս մրցաշարքին փակման հանդիսութիւնը:
| All the contents on this site are copyrighted ©. |